تبلیغات
حه‌مرین - وه‌رزش ده‌بێته‌ ناساندنی ووڵاتان

په‌یامى به‌ڕێوه‌به‌ر

ئه‌م سایته‌ بکه‌ره‌ ماڵپه‌ڕی سه‌ره‌کی خۆت!    په‌یوه‌ندی به‌ به‌ڕێوه‌به‌ری سایت بکه‌ !     ئه‌م ماڵپه‌ڕه‌یه‌ بخه‌ره‌ سه‌ر لیستی ماڵپه‌ڕه‌ خوازراوه‌کانت!

په‌یامی به‌ڕێوه‌به‌ر : مێوانی خۆشه‌ویست به‌خێر بێیت بۆ ماڵپه‌ڕه‌که‌ت، ماڵپه‌ڕی حه‌مرین. به‌و هیوایه‌ی کاتێکی خۆش تێیدا به‌یته‌ سه‌ر، خۆشه‌ویستان حه‌مرین سه‌کۆیه‌کی ئازاد ده‌بێت بۆ بڵاوکردنه‌وه‌ی بیروڕاتان به‌ مه‌رجێک سوود به‌خش بێت بۆ دۆزی ڕه‌وای گه‌له‌که‌مان. .

ڕاپرسی
که‌رکوک شارێکی کوردستانییه‌، به‌ڵام به‌ هۆی سیاسه‌تی زاڵمانه‌ی حووشتر سواره‌ سه‌حراییه‌کان توشی به‌ عه‌ره‌ب کردن هاتووه‌. ئایا پێت وایه‌ سه‌رانی کورد له‌ باشووری کوردستان بتوانن ڕۆژێک که‌رکوک بگه‌ڕێنه‌وه‌ باوه‌شی کوردستان؟





وێنه‌ی ڕۆژ
ڵاپه‌ڕه‌کان
به‌سته‌ری دراوسێکان 

دانانى لینکى حه‌مرین


به‌سته‌ری دراوسێکان


 


 

ئامارى سه‌ردانه‌کان

ئامارى سه‌ردانه‌کان
ئه‌مڕۆ :

سه‌ردانه‌کان ئه‌مڕۆ:

سه‌ردانه‌کانی دوێنێ:

سه‌رجه‌م سه‌ردانه‌کان:

سه‌رجه‌م بابه‌ته‌کان :

سه‌رجه‌م بۆچونه‌کان :

کرانه‌وه‌ى مالپه‌ر: - چرکه‌

مێوان له‌سه‌ر خه‌ته

چهارشنبه 24 خرداد 1385
وه‌رزش ده‌بێته‌ ناساندنی ووڵاتان

وه‌رزش ده‌بێته‌

 ناساندنی ووڵاتان

 

یه‌کێک له‌و وڵاتانه‌ی وه‌رزش به‌ جیهانی ناساند {{ ترینیداد و تۆباگۆ ( Trinidad and Tobago )}}یه. ‌ده‌بێ کورته‌ باسێکی ئه‌و وڵاته‌ بۆ خوێنده‌واری کورد بکه‌م ، ئه‌گه‌ر چی ره‌نگه‌ له‌ دوێنێ وه‌ به‌شی زۆربه‌ی خه‌ڵکه‌که‌ گوێ یان له‌و دوو ناوه‌ ببێت یا به‌ چاوی خۆیان یاریزانه‌کانی ئه‌و دوو دوورگه‌یان بینیبێت...وه‌رزش هه‌رچی بکات ناتوانێ خۆی له‌ سیاسه‌ت بدزیته‌وه‌(بشارێته‌وه‌). ئه‌وه‌تا له‌و دووریه و له‌ قوتبی شیماله‌وه‌‌ ئه‌و باسه‌ تێکه‌ڵاوی جیوپۆڵه‌تیک و جوگرافیای کوردستان ده‌که‌م و ده‌رباره‌ی وڵاته‌ قوربه‌سه‌ره‌که‌ی خۆم ده‌نووسم .کورد ره‌نگه‌ له‌ 25 میلیون زیاتر بێت ، به‌ هه‌ر چوار پارچه‌ له‌ت و په‌ته‌که‌ی ، باوه‌ڕه‌م هه‌یه‌ گه‌لێک گه‌لێک له‌و ژماره‌یه‌ زیاتره‌ چونکه‌ بیستساڵ له‌مه‌وبه‌ر له‌ نووسینه‌کانم له‌و ژماره‌یه‌م زیاتر داناوه‌...بۆ ئه‌وه‌ی تووشی هه‌ڵه‌ی سیاسی نه‌بین و هه‌تا ئه‌مڕۆکه‌ یه‌ک سه‌ر ژمێری گشتی نفووسی کورد{ژماره‌ی دانیشتوانی}له‌ کوردستان و له‌ جیهاندا نی یه‌ و ده‌ست ناکه‌وێت. رژێمه‌ داگیرکه‌ر و بۆگه‌نه‌کانی عێراق و ئێران و تورکیا و سوریاش هیچ به‌راست و دروستی بۆ جیهانیان رانه‌گه‌یاندووه‌ که‌ خه‌ڵکی کورد له‌و وڵاتانه‌یان ژماره‌یان چه‌نده‌. هیچ هێز و حیزب و رێکخراوێکی به‌لایه‌ن و بێلایه‌نی کوردی و ناشیونالیستی کورد و شتی ئاواش هێشتا له‌دایک نه‌بووه‌ و پێشووش نه‌بووه‌ سه‌رژمێری کوردی کردبێت...کورده‌کانی تورکیا نازانن چه‌ند کورد له‌ ئه‌سته‌مبۆڵ ده‌ژی و کورده‌کانی عێراقیش نازانن چه‌ند کورد له‌ به‌غدا و کووت و ده‌وروبه‌ری ده‌ژی...ئه‌من له‌ سوید کوردی سلێمانیم بینیووه‌ به‌ڵام نه‌یزانیووه‌ به‌ کوردی قسان بکات و ده‌یگوت من له‌ تیره‌ی بابانم به‌ڵام باپیره‌ گه‌وره‌م له‌ به‌غدا ژیاوه‌ و منیش فیره‌کوردی نه‌بوویمه‌...کوردی مه‌هابادیشم بینیووه‌ له‌ تارانی ژیاوه‌ و له‌دایک بووه‌ وایلیهاتووه‌ کوردیه‌قسه‌کردنه‌که‌ی له‌و عه‌جه‌مانه‌ خراپتر بێت که‌ له‌ نه‌غه‌ده‌ ساڵی 1991 تووشیان بووم و قسه‌م له‌گه‌ڵ ده‌کردن...کورده‌کانی تورکیام ده‌بینی بۆیان ئاسانتربوو به‌ سویدی قسه‌م له‌گه‌ڵ بکه‌ن نه‌ک به‌ کرمانجی ، ده‌یانگوت له‌ ئه‌نقه‌ره‌ و ئه‌سته‌مبول ژیاوین و کوردیمان به‌کار نه‌هێناوه‌...یه‌شار که‌مال له‌ تورکی نووسیندا تورکی 24عه‌یاریش ناگاته‌ ئه‌ژنۆی...ئه‌حمه‌د عارفی شاعیری تورکیا له‌ شیعردا هاوسه‌نگی نازم حیکمه‌ت و ره‌نگه‌ به‌رزتریش بیت ،که‌چی تورکی زمانی دایکی هه‌ردوکیان نه‌بووه‌...

 

 

 

 

وه‌رزش ده‌بێته‌ ناساندنی ووڵاتان

 

 

یه‌کێک له‌و وڵاتانه‌ی وه‌رزش به‌ جیهانی ناساند {{ ترینیداد و تۆباگۆ ( Trinidad and Tobago )}}یه. ‌ده‌بێ کورته‌ باسێکی ئه‌و وڵاته‌ بۆ خوێنده‌واری کورد بکه‌م ، ئه‌گه‌ر چی ره‌نگه‌ له‌ دوێنێ وه‌ به‌شی زۆربه‌ی خه‌ڵکه‌که‌ گوێ یان له‌و دوو ناوه‌ ببێت یا به‌ چاوی خۆیان یاریزانه‌کانی ئه‌و دوو دوورگه‌یان بینیبێت...وه‌رزش هه‌رچی بکات ناتوانێ خۆی له‌ سیاسه‌ت بدزیته‌وه‌(بشارێته‌وه‌). ئه‌وه‌تا له‌و دووریه و له‌ قوتبی شیماله‌وه‌‌ ئه‌و باسه‌ تێکه‌ڵاوی جیوپۆڵه‌تیک و جوگرافیای کوردستان ده‌که‌م و ده‌رباره‌ی وڵاته‌ قوربه‌سه‌ره‌که‌ی خۆم ده‌نووسم .کورد ره‌نگه‌ له‌ 25 میلیون زیاتر بێت ، به‌ هه‌ر چوار پارچه‌ له‌ت و په‌ته‌که‌ی ، باوه‌ڕه‌م هه‌یه‌ گه‌لێک گه‌لێک له‌و ژماره‌یه‌ زیاتره‌ چونکه‌ بیستساڵ له‌مه‌وبه‌ر له‌ نووسینه‌کانم له‌و ژماره‌یه‌م زیاتر داناوه‌...بۆ ئه‌وه‌ی تووشی هه‌ڵه‌ی سیاسی نه‌بین و هه‌تا ئه‌مڕۆکه‌ یه‌ک سه‌ر ژمێری گشتی نفووسی کورد{ژماره‌ی دانیشتوانی}له‌ کوردستان و له‌ جیهاندا نی یه‌ و ده‌ست ناکه‌وێت. رژێمه‌ داگیرکه‌ر و بۆگه‌نه‌کانی عێراق و ئێران و تورکیا و سوریاش هیچ به‌راست و دروستی بۆ جیهانیان رانه‌گه‌یاندووه‌ که‌ خه‌ڵکی کورد له‌و وڵاتانه‌یان ژماره‌یان چه‌نده‌. هیچ هێز و حیزب و رێکخراوێکی به‌لایه‌ن و بێلایه‌نی کوردی و ناشیونالیستی کورد و شتی ئاواش هێشتا له‌دایک نه‌بووه‌ و پێشووش نه‌بووه‌ سه‌رژمێری کوردی کردبێت...کورده‌کانی تورکیا نازانن چه‌ند کورد له‌ ئه‌سته‌مبۆڵ ده‌ژی و کورده‌کانی عێراقیش نازانن چه‌ند کورد له‌ به‌غدا و کووت و ده‌وروبه‌ری ده‌ژی...ئه‌من له‌ سوید کوردی سلێمانیم بینیووه‌ به‌ڵام نه‌یزانیووه‌ به‌ کوردی قسان بکات و ده‌یگوت من له‌ تیره‌ی بابانم به‌ڵام باپیره‌ گه‌وره‌م له‌ به‌غدا ژیاوه‌ و منیش فیره‌کوردی نه‌بوویمه‌...کوردی مه‌هابادیشم بینیووه‌ له‌ تارانی ژیاوه‌ و له‌دایک بووه‌ وایلیهاتووه‌ کوردیه‌قسه‌کردنه‌که‌ی له‌و عه‌جه‌مانه‌ خراپتر بێت که‌ له‌ نه‌غه‌ده‌ ساڵی 1991 تووشیان بووم و قسه‌م له‌گه‌ڵ ده‌کردن...کورده‌کانی تورکیام ده‌بینی بۆیان ئاسانتربوو به‌ سویدی قسه‌م له‌گه‌ڵ بکه‌ن نه‌ک به‌ کرمانجی ، ده‌یانگوت له‌ ئه‌نقه‌ره‌ و ئه‌سته‌مبول ژیاوین و کوردیمان به‌کار نه‌هێناوه‌...یه‌شار که‌مال له‌ تورکی نووسیندا تورکی 24عه‌یاریش ناگاته‌ ئه‌ژنۆی...ئه‌حمه‌د عارفی شاعیری تورکیا له‌ شیعردا هاوسه‌نگی نازم حیکمه‌ت و ره‌نگه‌ به‌رزتریش بیت ،که‌چی تورکی زمانی دایکی هه‌ردوکیان نه‌بووه‌...محه‌مه‌د قازی نه‌مر و ئیبراهیم یونسی زیندوو کتابخانه‌ی فارسیان قه‌ڵه‌باڵغ کردووه‌ به‌و شاکاره‌ به‌ناوبانگانه‌ی له‌ ئینگلیزی و فه‌ره‌نسی وه‌ریانگیراوته‌ سه‌ر زمانی فارسی هه‌ردووکیان به‌چکه‌کوردن. وه‌رگێر که‌ نووسراوێک وه‌رده‌گێری ده‌بێ له‌زمانه‌که‌ی بۆی وه‌رده‌گێری به‌ پله‌ی یه‌که‌م شاره‌زای هه‌بیت...مامۆستا مه‌سعود محه‌مه‌د له‌ نووسسینی عاره‌بی ئه‌وه‌لباب بوو.عاره‌ب ئێره‌یی پێبردووه‌ و کوڕی مه‌لای کۆیه‌ و خه‌ڵکی ئه‌و شاری کۆیه‌ که‌ هه‌تا ئه‌مڕۆکه‌ به‌ شاری کوردیزانان به‌ناو بانگه‌و دڵداری شاعیر خاوه‌ن سروودی نیشتمانی [ئه‌ی ره‌قیب هه‌ر ماوه‌ قه‌ومی کورد]ئه‌گه‌ر کوڕی کۆیه‌ نه‌بوایه‌ چۆن بۆی ده‌کرا ئه‌و ئیلهامه‌ بخاته‌ ناو چوارچێوه‌ی ئه‌و سرووده‌ به‌ناوبانگه‌. سه‌لیم به‌ره‌کاتی کوردی سوریا ئه‌وه‌نده‌ی بۆ نووسینی تازه‌ی عاره‌بی داهێناوه‌ هیچ جیاوازی نیه‌ له‌وه‌ی ئه‌دۆنیسی ناسیونالیست و محه‌مه‌د ماغوت و سه‌عدی یوسف و ...هتد بۆ ئه‌ده‌بی تازه‌ی عاره‌ب دایان هێناوه‌...من عاره‌به‌کی تۆخی کوردی زان ناناسم که‌ خزمه‌تی کتابخانه‌ی کوردی کردبێت و به‌ کوردی رۆمان و شیعری نووسیبێت...تورک و فارسه‌کی ئاواش ناناسم به‌ڵام ده‌زانم ئه‌حمه‌دی شاملۆ و هادی عه‌له‌وی و ئیسماعیل بێشکچی دۆستی راسته‌قینه‌ی کوردن و کوردستانیان خۆش ده‌ویست...جا وا کوردی سه‌ر به‌خۆیه‌ له‌ شاری که‌رکوک..سلێمانی..هه‌ولێر..دهۆک که‌چی نازاندرێ ژماره‌ی دانیشتوانی چه‌نده‌ ئینجا چۆن بزانین چه‌ند کورد له‌ موسڵ و به‌عقوبه‌ و خانه‌قین و به‌سرا...هتد ده‌ژین .هه‌موو گله‌ییه‌ک له‌ رژێمه‌ خوێرییه‌کان ناکرێت خۆ ئه‌وه‌ چه‌ندساڵه‌ ئه‌وانه‌ ئازادن ...ئێستاکه‌ قسان بکه‌م ده‌ڵێن ئه‌ها ئه‌وا دیسان ره‌خنه‌ی له‌و دوو زلحیزبه‌ی کوردستان گرت . خۆزگا هه‌ردوو زلحیزب سه‌رژمێری کورده‌کانی ژێر ده‌سه‌ڵاتی خۆی یان ده‌کرد و به‌س .ئه‌و کاته‌ موه‌کی بچووک له‌و گایه‌ زله‌ که‌م ده‌بۆوه‌ که‌ پێی ده‌وترێ {{زانستی سه‌ر ژمێری یان ژماره‌ی دانیشتوان}}...بزانه‌ هه‌ر باس کردنی سه‌رژمێری کوردستان تووشی چ درێژ دابڕینه‌یه‌کی کردم...ئه‌من کورد به‌ 25 ملیون دابنێم ره‌نگه‌ سه‌د له‌سه‌دی کورد جنێووم پێبده‌ن و شاعیرپه‌شێوی برا لێم تووڕه‌بێت و بڵێن  کاکی برا هه‌ڵه‌ی و کورد گه‌لێک له‌و ژماره‌یه‌ زیاتره‌...دوژمنه‌ شۆفینیه‌کانیش ره‌نگه‌ بڵێن ئا ئه‌وه‌ قسه‌ی حه‌قه‌ به‌ڵام چاویشت ده‌ربچێ دان به‌ بوونت نانێین له‌ ئێران تۆ ئێرانی و له‌ تورکیا تۆ تورکی و له‌ سوریا و عێراقیش عاره‌بی بڕۆ خۆت باوێ ده‌ریا و هه‌ر هاواربکه‌ کوردم...له‌ لایه‌کی تریش هه‌ندێک سه‌رکرده‌ و لێپرسراو ئه‌وه‌نده‌ حه‌ز له‌ کوردستانی بوونی خۆیانناکه‌ن و خۆیان زیاتر به‌ وڵاته‌ داگیرکه‌ره‌کان ده‌به‌ستنه‌وه‌... ئه‌گه‌ر کورد 25 میلیون بێت خۆ ده‌کرێ 25 یاریزانی چاک ده‌ستنیشان بکرێت و دوور له‌ سیاسه‌ت تیمه‌کی [تیپێکی/گروپێکی]فوتبۆڵ[تۆپی پێ]دابمه‌زرێ که‌ له‌ جیهاندا خۆی ئاشکرا بکات و ئاڵای کوردستان یان ئاڵای تیپه‌که‌ به‌ جیهاندا بناسێنێ . ئه‌وجا چۆن دروست ده‌بێ و چۆن داده‌مه‌زرێ ئه‌وه‌ ئیش و کاری من نی یه‌ و پیشه‌ی من نی یه‌ به‌ڵام ده‌کرێ ئه‌و بانگه‌وازییه‌‌ بخرێته‌ سه‌رشانی ئه‌و حکومه‌ته‌ی هه‌رێمی کوردستانه‌ و پێشبڕکێ یه‌ک بکرێت کێ باشترین یاریزانه‌ بابێته‌ [هه‌ولێر/سلێمانی/دهۆک/که‌رکوک]ی ئازاد و خانووه‌کی له‌ شێوه‌ی میوانخانه‌ و چێشتخانه‌ یان بۆ دروست بکرێت و مانگانه‌یان بۆ دابنرێ له‌و باوه‌ڕه‌م ئه‌و گه‌نجه‌ رێک و پێکه‌ و یاریزانه‌ له‌ جیاتی بچیته‌ ئه‌سته‌مبۆڵ و دیمه‌شق و تاران و به‌غدا روو له‌و شارانه‌ی حکومه‌تی هه‌رێم ده‌کات و هه‌تا هێزی هه‌یه‌ ئاڵای کوردستان به‌رز به‌رز راده‌گرێت و له‌جیهاندا یاریزانه‌کان ناوبانگیش ده‌رده‌که‌ن. ئه‌گه‌ر هه‌ر یاریزان نیوه‌ی حقوقی ئه‌ندامانی په‌رله‌مان و مه‌سروفی وه‌زیران و خزمه‌تکارانی پاساوان و..هتد بۆیان دابین بکرێت ئه‌وا له‌ جیهاندا کوردیش به‌ هۆی ئه‌و تیمه‌ زیاتر ده‌ناسرێت. له‌ ده‌ره‌وه‌ هه‌ر که‌س نازانێ ناوی وه‌زیری فڵانه‌ و ئه‌ندامی په‌رله‌مان چی یه‌ یان کێ یه‌...ئه‌وه‌ له‌ سوید که‌ بچیه‌ ده‌ره‌وه‌ نازانی ئه‌ندامانی په‌رله‌مان کێن و وه‌زیرانی کێن به‌ڵام ناوی یاریزانه‌کانی به‌ جیهاندا ده‌سوڕێته‌وه‌ و زۆر زیاتریش له‌ ئه‌ندامی په‌رله‌مان و وه‌زیر حقوقی زیاتره‌... جا ئه‌وا کێ ناوی وه‌زیرانی هه‌رێم و په‌رله‌مان ده‌ناسێت. ئه‌و گه‌نجه‌ یاری زانانه‌ له‌ منداڵیه‌وه‌ یا له‌ ته‌مه‌ن{15ــ20ساڵان}په‌روه‌رده‌ بکرێت پاشان له‌ ده‌رگای [فیفا] بدرێت گه‌لۆ چۆن ده‌رگات لێناکاته‌وه‌ که‌ تۆ باوه‌ڕت به‌ خۆت بوو ئه‌و کاته‌ له‌ جیاتی[له‌ باتی/له‌ بڕی] ئیبرایم تاتلیساس بانگ بکه‌یته‌ هه‌ولێر ده‌توانی تیمی به‌رازیل ده‌عوه‌ت بکه‌یت و له‌ جیهانیش وڵاته‌که‌ت ته‌ماشا ده‌کرێت و خه‌ڵکیش ده‌زانن کوردستان چی یه‌ . ره‌نگه‌ ئه‌و خه‌یاڵه‌ به‌ چه‌ند میلیون دۆلار بێته‌ دی که‌ له‌و باوه‌ڕه‌م هه‌ردوولا پارتی و یه‌کێتی ئه‌و توانایه‌ داراییه‌یان هه‌یه‌ . به‌ڵام هه‌رنا با دۆلاره‌کیش له‌ هه‌موومان وه‌ربگیرێ ئه‌وانه‌ی له‌ ده‌ره‌وه‌ ده‌ژین ئه‌من له‌ ئێستاوه‌ شه‌ش دۆلاری خۆم ده‌ده‌م که‌ شه‌ش که‌سین و شایان ته‌مه‌نی 2ساڵانه‌ ئه‌ویش شمول ده‌کات. ره‌نگه‌ سه‌رخێزان هه‌بێت 10 تا 12 منداڵی هه‌بێت تاقه‌تی نه‌بێت ده‌کرێ ئه‌مه‌ش بکرێته‌ نرخێک له‌ [1ــ5]دۆلار بۆ هه‌موو ئه‌وانه‌ی له‌ 5 منداڵ زیاتریان هه‌یه‌... ئه‌من کوردی تورکیا ده‌ناسم 13 منداڵی هه‌یه‌ با ئه‌و خێزانه‌ هه‌ر 5 دۆلاران بدات...هتد .ئه‌وه‌ ده‌کرێت پاره‌ی ئه‌و تیمه‌ دابین بکرێت به‌بێ ره‌نگی سه‌وز و زه‌رد ره‌نگێکی تازه‌ بۆ ئه‌و تیمه‌ دابنرێت و به‌یه‌ک ده‌نگی و ره‌نگی ببنه‌ نوێنه‌ری ئه‌و میلله‌ته‌ به‌سته‌زمانه‌...وه‌رزش بووه‌ هۆی ناساندنی ئه‌و وڵاته‌ تازه‌ییه‌ی ده‌مه‌وێ باسی بکه‌م . ئه‌و وڵاته‌ ده‌بێ ناوه‌که‌ی چه‌ند جارێک بنووسمه‌وه‌ هه‌تا کورده‌که‌ بۆی بگوترێته‌وه‌. ترینیدادوتۆباگۆ که‌وتۆته‌ ناو ده‌ریای کاریبی له‌ زه‌ریای ئه‌تڵه‌نتی دوو دوورگه‌ی گه‌وره‌یه‌ له‌ناو ئه‌و 21 دوورگه‌یه‌. دورگه‌ی ترینیداد 10 کیلۆمه‌تر له‌ قه‌راغی وڵاتی ڤانزوێلا دووره‌. پێشتر کۆلۆنی به‌ریتانیا بوو.پایه‌ته‌خته‌که‌ی ناوی {پۆرت ئۆف سپاین (Port of Spain )}ه‌که‌ گه‌وره‌ترین شاری وڵاته‌که‌ یه‌.هه‌روه‌ها شاری دووه‌م ناوی {سان فیرناندۆ یه‌ (San Fernando )} گه‌وره‌ترین شاریش له‌ تۆباگۆ ناوی {سکاربۆرروگ }ه‌. پێوانه‌ی ترینیداد 4828 کم2 و پێوانه‌ی تۆباگۆ 300 کم2 به‌رزترین چیای ووڵاته‌که‌ش 940 مه‌تره‌.له‌ دنیاش [رۆژئاوای هیند] به‌و ناوچه‌یه‌ ده‌ڵێن که‌ که‌وتۆته‌ نێوان باکوور[سه‌روو] و باشوور[خواروو]ی ئه‌مریکا [هه‌روه‌ها پێی ده‌گوترێ کاریبیا]. کۆڵۆنی به‌ریتانیا بووه‌. گه‌وره‌ترین و به‌ناوبانگترین دوورگه‌کان [جامایکا و باربادۆس]ه‌...ئه‌گه‌ر کوردستان یان ئه‌و خاکه‌ی کوردی تێدا ده‌ژی به‌ 520.000 هه‌زار کیلۆمه‌تر چوارگۆشه‌[دووجا]دابنرێت ئه‌وا دیاره‌ چه‌ند گه‌وره‌تره‌ له‌ ترینیداوتۆباگۆ.ئه‌گه‌ر کوردستانی بن ده‌ستی عێراقیش به‌ 72000هه‌زار بژمێردرێ ئه‌وا هه‌ر بۆمان ده‌رده‌که‌وێ گه‌وره‌یی خاکی کوردستان چه‌نده‌ و هه‌تا ئێستاکه‌ش وه‌کو ده‌وڵه‌ت که‌س ناماناسێ و ئاڵاشمان له‌ نه‌ته‌وه‌یه‌کگرتووه‌کان نی یه‌ ...ئاو و هه‌وای گه‌رمه‌ ، له‌مانگی یونیو[حوزه‌یران] هه‌تا دیسامبه‌ر[کانونی یه‌که‌م] وه‌رزی بارانه‌...به‌ر له‌وه‌ی کریستۆفه‌ر کۆڵۆمبۆس ساڵی 1498 بیدۆزیته‌وه‌ خه‌ڵکی [کارایبی] و [ئاراراکه‌ر] له‌و ناوچه‌یه‌ ده‌ژیان..ترینیداد له‌لایه‌ن ئیسپانیه‌وه‌ ده‌ستی به‌سه‌ر داگیرا و پاشان له‌ 1797 به‌ریتانیا ده‌ستی به‌سه‌رداگرت...فه‌ره‌نسیه‌کانیش که‌ له‌ شۆڕشی فه‌ره‌نسا رایان کرد بۆ ئه‌و دورگانه‌ و له‌گه‌ڵ خۆشیان هه‌ندێک کۆیله‌ ره‌شپێستیان برد و ده‌ستیان کرد به‌ چاندنی قامیشه‌شه‌کر وقاوه‌ و کاکاو...تۆباگۆ کۆڵۆنی ئیسپانیا و هۆڵه‌ندا و فه‌ره‌نسا و به‌ریتانیا بوو...ترینیداد ساڵی 1802 و تۆباگۆ ساڵی 1814    بووه‌ کۆڵۆنی به‌ریتانیا...ساڵی 1890 به‌ریتانیا هه‌ردووکی پێکه‌وه‌ گرێ دا و به‌یه‌کتری به‌سته‌وه‌ له‌باری یه‌کده‌وڵه‌تی. سیسته‌می کۆیله‌تی له‌ سه‌ده‌ی نۆزده‌م قه‌ده‌غه‌کرا و بووه‌ هۆی که‌مبوونه‌وه‌ی چینی جوتیار له‌و ناوچه‌یه‌. ئه‌مه‌ش بووه‌ هۆیه‌کی سه‌ره‌کی بۆ ئه‌وه‌ی کرێکار بێنن له‌ هیندستان و چین و پورتوگال له‌ کۆتایی سه‌ده‌ی نۆزده‌م و سه‌ره‌تای سه‌ده‌ی بیسته‌م ، هه‌روه‌ها خه‌ڵکی سوری و لوبنانیش روویان کرده‌ ئه‌و ناوچه‌یه‌ و وه‌کو په‌ناهه‌نده‌ و ئاواره‌ مانه‌وه‌.له‌ سه‌ده‌ی بیسته‌مدا نه‌وت و گاز له‌ ترینیداد دۆزرایه‌وه‌. ترینیدادوتۆباگۆ ساڵی 1962 سه‌ربه‌خۆ بوون و ساڵی 1976 بووه‌ کۆمار...زمانی قسه‌کردنیان به‌ره‌سمی ئینگلیزی یه‌ و سه‌رۆکیان ناوی {جۆرج ماکسویل ریچارد (  George Maxwell Richard)}ه‌.((( ساڵی 1931 له‌ سان فیرناندۆ له‌دایک بووه‌...چواره‌م سه‌رۆک کۆماری ترینیدادوتوباگۆ یه‌...ئه‌ندازیاری کیمیایی بووه‌...له‌ ساڵی 1950 بۆ کارگه‌ی نه‌وتی نه‌ریتانیا کاری ده‌کرد...له‌ ساڵی 1980 هه‌تا 1985 مامۆستای دانشگا بووه‌..هاوسه‌ره‌که‌ی ناوی جیان رامجۆنه‌ کچه‌مامی سه‌رۆک نوور حه‌سه‌نالی یه‌ ، دوو منداڵیان هه‌یه‌ ، کوڕه‌که‌ی ناوی [مارک]ه‌ و دکتۆرای هه‌یه‌ له‌ ده‌رمان و کچه‌که‌ی ناوی [ماکسینه‌] بازرگانه‌‌..))) سه‌رۆک وه‌زیرانیان ناوی {پاتریک ماننینگ (Patrick Manning )}ه‌..(((له‌ سان فیرناندۆ له‌ ساڵی 17/8/1946 له‌دایک بووه‌...له‌ ساڵی 1969دانشگای ته‌واو کردووه‌ پاشان بووه‌ به‌ سه‌رۆکی پارتی گه‌لی نیشتمانی...له‌ به‌شی جیۆلۆژیا کاری ده‌کرد...له‌ ساڵی 1971 بووه‌ ئه‌ندامی په‌رله‌مان و پاشان له‌ساڵی 2002 بووه‌ سه‌رۆک وه‌زیران و دوو منداڵی هه‌یه‌ ))) .رۆژی 31 ئابی 1962 سه‌ربه‌خۆ بووه‌ و دانی پێدانراوه‌ و ئه‌و رۆژه‌ بووه‌ به‌ رۆژی نه‌ته‌وایه‌تی . کۆمه‌ڵێک پارتی سیاسی هه‌یه‌ و هه‌ر پێنج ساڵ جارێک هه‌ڵبژرادنی په‌رله‌مان  به‌ شێوه‌یه‌کی دیموکراتی ده‌کرێت و جاری پێشوو له‌ 14/2/2003 کرا ساڵی 2008 هه‌ڵبژاردن ده‌کرێته‌وه‌... ژماره‌ی دانیشتوانی 1،088،644میلیونه‌ و پاره‌یان ناوی [ترینیدادوتۆباگۆ دۆلار]ه‌. خه‌ڵکی ئه‌و میلله‌تانه‌ی تێدا ده‌ژی{{ هیندییه‌کان 40%...ره‌شه‌کان 39%...تێکه‌ڵاو 19%...سپیه‌کان 0،6% ...چینیه‌کان 0،4% و خه‌ڵکانی تر 1%}}پاش زمانی ئینگلیزی زمانی هیندی...ئیسپانی...فه‌ره‌نسی قسه‌ی پێده‌کرێت. خه‌ڵکی ترینیدادوتوباگۆ 98% ده‌نووسی وده‌خوێنیته‌وه‌ واته‌ خوێنده‌واره‌ ، ئه‌و رێژه‌یه‌ش چاکترین و باشترین رێژه‌یه‌ بۆ بڵاوبوونه‌وه‌ی خوێنده‌واری له‌ناو میلله‌تدا...ئایا رێژه‌ی خوێنده‌واری له‌ کوردستاندا چه‌نده‌..؟؟!!.ئایین له ترینیدادوتۆباگۆ به‌م شێوه‌یه‌ {{کاتۆلیک 29%...پرۆتستاند 24%...هیندۆس 24%...موسڵمان 6%...ئایینی تر 17%}}.ئابووری ووڵاته‌که‌ش به‌م شێوه‌یه‌ 2% کشتوکاڵ ...9% پیشه‌سازی...

11% دروستکردن و بنیادنان...22% نه‌وت...56% خزمه‌تگوزاری و گه‌شتوگوزار.یه‌که‌م جاره‌ به‌شداری یاری تۆپانێی جیهان ده‌کات و ئه‌و یاری یه‌ش بووه‌ هۆی ناساندنی ئه‌و ووڵاته‌ به‌ جیهاندا.                                           

 

 

 ده‌رباره‌ی ترینیدادوتۆباگۆ... ئه‌و زانیارییانه‌م له‌ راپۆرتی وه‌زاره‌تی ده‌ره‌وه‌ی سوێدی وه‌رگرتووه‌ [Ui ] له‌گه‌ڵ هه‌ندێک زانیاری تر که‌ له‌ ئینتیرنیت ده‌رباره‌ی ئه‌و وڵاته‌ نووسراوه‌ ، هیوادارم توانیبم ئه‌و وڵاته‌ به‌ میلله‌ته‌که‌م ناساندبێ .                 

 

 

فـــه‌هـــد گـــرده‌وانـی 11/6/2006ستۆکهۆڵم

 

 

 

ئاماده‌ کردنى : حه‌مرین سه‌عات 02:06 ق.ظ بابه‌ت :‌ نووسه‌ران ,

پێداچوونه‌وه‌ی بابه‌ت - سه‌عات -

لینكى بابه‌ت | بۆچوون ()


This Template Designed By Theme.MihanBlog.Com And Davood Jafari