تبلیغات
حه‌مرین - کوشتنی زه‌رقاوی و شیوه‌نی حه‌ماس

په‌یامى به‌ڕێوه‌به‌ر

ئه‌م سایته‌ بکه‌ره‌ ماڵپه‌ڕی سه‌ره‌کی خۆت!    په‌یوه‌ندی به‌ به‌ڕێوه‌به‌ری سایت بکه‌ !     ئه‌م ماڵپه‌ڕه‌یه‌ بخه‌ره‌ سه‌ر لیستی ماڵپه‌ڕه‌ خوازراوه‌کانت!

په‌یامی به‌ڕێوه‌به‌ر : مێوانی خۆشه‌ویست به‌خێر بێیت بۆ ماڵپه‌ڕه‌که‌ت، ماڵپه‌ڕی حه‌مرین. به‌و هیوایه‌ی کاتێکی خۆش تێیدا به‌یته‌ سه‌ر، خۆشه‌ویستان حه‌مرین سه‌کۆیه‌کی ئازاد ده‌بێت بۆ بڵاوکردنه‌وه‌ی بیروڕاتان به‌ مه‌رجێک سوود به‌خش بێت بۆ دۆزی ڕه‌وای گه‌له‌که‌مان. .

ڕاپرسی
که‌رکوک شارێکی کوردستانییه‌، به‌ڵام به‌ هۆی سیاسه‌تی زاڵمانه‌ی حووشتر سواره‌ سه‌حراییه‌کان توشی به‌ عه‌ره‌ب کردن هاتووه‌. ئایا پێت وایه‌ سه‌رانی کورد له‌ باشووری کوردستان بتوانن ڕۆژێک که‌رکوک بگه‌ڕێنه‌وه‌ باوه‌شی کوردستان؟





وێنه‌ی ڕۆژ
ڵاپه‌ڕه‌کان
به‌سته‌ری دراوسێکان 

دانانى لینکى حه‌مرین


به‌سته‌ری دراوسێکان


 


 

ئامارى سه‌ردانه‌کان

ئامارى سه‌ردانه‌کان
ئه‌مڕۆ :

سه‌ردانه‌کان ئه‌مڕۆ:

سه‌ردانه‌کانی دوێنێ:

سه‌رجه‌م سه‌ردانه‌کان:

سه‌رجه‌م بابه‌ته‌کان :

سه‌رجه‌م بۆچونه‌کان :

کرانه‌وه‌ى مالپه‌ر: - چرکه‌

مێوان له‌سه‌ر خه‌ته

چهارشنبه 24 خرداد 1385
کوشتنی زه‌رقاوی و شیوه‌نی حه‌ماس

-----

                                 کوشتنی زه‌رقاوی و شیوه‌نی حه‌ماس

 کوشتنی هه‌رکه‌سێکی بێگوناه خه‌م و په‌ژاره‌ێکی زۆر لای خه‌ڵکی به‌ویژدان به‌گشتی وه‌ لای که‌سووکاری کوژراوه‌که به‌تایبه‌ت ‌ درووست ده‌کات، به‌ڵام کوشتنی که‌سایه‌تێکی وه‌ک زه‌رقاوی که‌ به‌رپرسی رێکخراوی گرووپه‌ تیرورستێکه‌ی( القاعدة) بوو له‌ عیراق بووه‌ته‌ مایه‌ی دڵخۆشی هه‌موو ئاشتیخوازانی جیهان وه‌ به‌تایبه‌تی خه‌ڵکی عیراق که‌ ماوه‌ی سێ ساڵه‌ به‌ده‌ست کاره‌ تیرورستێکانی زه‌رقاوی ده‌ناڵینن. له‌م ماوه‌ی سێ ساڵه‌ ئه‌م که‌سایه‌تیه‌ تاوانباره‌ بووه‌ هۆی کوشتنی خه‌ڵکێکی زۆری بێگوناه که‌ نه‌ له‌ نزیکه‌وه‌ وه‌ نه‌ له‌ دووره‌وه‌ هیچ جۆره‌ په‌یوه‌دنێکی ئه‌تۆیان به‌ رووداوه‌ سیاسێکانی ناو عیراق نه‌بووه‌. زه‌رقاوی له‌ پاش رووخانی به‌عس به‌ هاوکاری پاشماوه‌کانی به‌عس و هاوکاری هه‌مه‌چه‌شنه‌ی هه‌ندێ وڵاتانی ناوچه‌که‌ رۆژ نه‌بوو له‌ رێگای هاوپه‌یمانێتی و هاوکاری لایه‌نگیرانی دڵ ره‌شی و پاشماوه‌کانی به‌عس ئۆتۆمبیلی مینرێژکراو نه‌ته‌قێنێته‌وه‌ له‌ناو خه‌ڵکی سیڤیل و بێگوناهی عیراق. له‌م ماوه‌ی سی ساڵه‌ی عیراق و پیش ئه‌وه‌ش به‌هاوکاری رژێمی  (طالبان) له‌ ئه‌فغانستان خه‌ڵکێکی بێگوناهێکی بێگانه‌ی ده‌ رفاند و له‌به‌ر چاوی جیهان سه‌ریانی ده‌بری.....

 

وهاب شاه محمد/سوید

Shah.wahab@gmail.com

کوشتنی زه‌رقاوی و شیوه‌نی حه‌ماس

 

 کوشتنی هه‌رکه‌سێکی بێگوناه خه‌م و په‌ژاره‌ێکی زۆر لای خه‌ڵکی به‌ویژدان به‌گشتی وه‌ لای که‌سووکاری کوژراوه‌که به‌تایبه‌ت ‌ درووست ده‌کات، به‌ڵام کوشتنی که‌سایه‌تێکی وه‌ک زه‌رقاوی که‌ به‌رپرسی رێکخراوی گرووپه‌ تیرورستێکه‌ی( القاعدة) بوو له‌ عیراق بووه‌ته‌ مایه‌ی دڵخۆشی هه‌موو ئاشتیخوازانی جیهان وه‌ به‌تایبه‌تی خه‌ڵکی عیراق که‌ ماوه‌ی سێ ساڵه‌ به‌ده‌ست کاره‌ تیرورستێکانی زه‌رقاوی ده‌ناڵینن. له‌م ماوه‌ی سێ ساڵه‌ ئه‌م که‌سایه‌تیه‌ تاوانباره‌ بووه‌ هۆی کوشتنی خه‌ڵکێکی زۆری بێگوناه که‌ نه‌ له‌ نزیکه‌وه‌ وه‌ نه‌ له‌ دووره‌وه‌ هیچ جۆره‌ په‌یوه‌دنێکی ئه‌تۆیان به‌ رووداوه‌ سیاسێکانی ناو عیراق نه‌بووه‌. زه‌رقاوی له‌ پاش رووخانی به‌عس به‌ هاوکاری پاشماوه‌کانی به‌عس و هاوکاری هه‌مه‌چه‌شنه‌ی هه‌ندێ وڵاتانی ناوچه‌که‌ رۆژ نه‌بوو له‌ رێگای هاوپه‌یمانێتی و هاوکاری لایه‌نگیرانی دڵ ره‌شی و پاشماوه‌کانی به‌عس ئۆتۆمبیلی مینرێژکراو نه‌ته‌قێنێته‌وه‌ له‌ناو خه‌ڵکی سیڤیل و بێگوناهی عیراق. له‌م ماوه‌ی سی ساڵه‌ی عیراق و پیش ئه‌وه‌ش به‌هاوکاری رژێمی  (طالبان) له‌ ئه‌فغانستان خه‌ڵکێکی بێگوناهێکی بێگانه‌ی ده‌ رفاند و له‌به‌ر چاوی جیهان سه‌ریانی ده‌بری.

 

ئه‌وه‌ی جێ داخه‌ که‌ ئه‌م که‌سایه‌تیه‌ تاوانباره‌ هه‌موو ئه‌و کارانه‌ی به‌ناو ئیسلامه‌وه‌ ئه‌نجام ده‌دا، بۆیه‌ وای لێهاتبوو که‌ خه‌ڵکی له‌ رووی ناهات لای که‌سێکی بێگانه‌ خۆی به‌ موسڵمان بناسێنێت. سه‌ربرینی خه‌ڵکی بێگانه‌و خه‌ڵکانی بێگوناه له‌  عیراق به‌و شێوه‌ ترسناک و بێویژدانیه‌، پاشان بڵاوکردنه‌وه‌ی ئه‌و تاوانانه‌ی له‌ که‌ناڵه‌ ته‌له‌فیزۆنێکان مچورکه‌ی به‌ له‌شی هه‌موو که‌سێکی خاوه‌ن ویژدان و مرۆڤ دۆست ده‌هێنا. ئه‌وه‌ی جێ سه‌رسوورمانه‌، هه‌ڵوێستی زۆر له‌ رۆشنبیران و لایه‌نه‌ به‌ناو ئیسلامی و ناسیونالیسته‌کانی جیهانی عه‌ره‌به‌ سه‌باره‌ت به‌ کاره‌ تیروریستێکانی ئه‌م تاوانباره‌. دوای هه‌ر کارێکی تیروریستی و نامرۆڤانه‌ی زه‌رقاوی و لایه‌نه‌که‌ی، زۆر له‌و رۆشنبیرو و لایه‌نه‌ ئیسلامی و ناسیونالیسته‌کان به‌رگریان له‌ کاره‌کانی ده‌کردو هه‌وڵی ئه‌وه‌یان ده‌دا که‌ ئه‌و جۆره‌ تاوانانه‌ی بخه‌نه‌ چوارچێوه‌ی مقاومه‌ت و به‌رگری کردن له‌ ئیسلام و عه‌ره‌ب.

 

 زۆر له‌و لایه‌ن و که‌سایه‌تیانه‌ی شیوه‌ن بۆ ئیسلام و کێشه‌ی فه‌له‌ستیین ده‌که‌ن وه‌ دژ به‌ ئه‌مریکاو هاوپه‌یمانانین له‌ ناوچه‌که‌، دوای هه‌ر رووداوێکی تیروریستیانه‌ی زه‌رقاوی و گرووپه‌که‌ی دڵخۆشێکی زۆریان پیشان داوه‌و ئه‌و کارانه‌شیان به‌ جیهاد ناوبردووه‌. زۆر جار له‌ میدیاکانی عه‌ره‌بیه‌وه‌ گوێمان له‌ رۆشنبیرانی عه‌ره‌ب و ئیسلامی بووه‌ که‌ به‌رگریان له‌ هه‌موو ئه‌و کاره‌ تیروریستیانه‌ی زه‌رقاوی و گرووپه‌ تیروریستێکه‌ی (القاعدة) کردوه‌. ئه‌م لایه‌نانه‌ بۆ چه‌واشه‌کردنی خه‌ڵکی هه‌موو کێشه‌ سیاسی ، ئابوری وه‌ کۆمه‌ڵایه‌تێکانی وڵاتانی عه‌ره‌بی ده‌خه‌نه‌ ئه‌ستۆی ئه‌مریکاو هاوپه‌یمانانی. باشه‌ ئه‌گه‌ر هۆی هه‌موو ئه‌و کێشانه‌ی میله‌تانی عه‌ره‌ب و ئیسلام ئه‌مریکاو هاوپه‌یمانانی بێت، بۆچی وڵاتانی عه‌ره‌بی له‌ که‌نداوی فارس له‌و ئاسته‌ ئابووریه‌ به‌رزه‌ ده‌ژێن و وڵاته‌کانیان به‌و جۆره‌ پێشکه‌وتووه‌. ئه‌ی وڵاتی مالیزیا که‌ ئه‌وه‌نده‌ پێشکه‌وتووه‌ ئیسلام نیه‌.

 

میله‌تانی جیهان، بێجگه‌ له‌وانه‌ی که‌ به‌ ئایدلۆجیا تاریکه‌کانی به‌ناو ئیسلام و ناسیونالیستی تونده‌ره‌وی عه‌ره‌بیه‌وه‌ ده‌ناڵێنن، هه‌ر هه‌موویان له‌ پێشکه‌وتنێکی رێژه‌ جیاوازن، هه‌موو کاره‌کانیشیان له‌ پێناو گه‌شه‌ ئابوری و کۆمه‌ڵایه‌تێکان خستۆته‌گڕ. ئه‌مرۆ به‌هۆی پێشکه‌وتنی رؤشنبیری، کۆمه‌ڵایه‌تی وه‌ سیاسێکانی میله‌تانی جیهان، یان به‌ هۆی ئه‌و به‌رژه‌وه‌ندیه‌ ئابووریه‌ گه‌ورانه‌ی میله‌تان ‌له‌گه‌ڵ یه‌ک، هیچ هێزیکی جیهانی ناتوانێت مه‌رجه‌کانی ساڵانی کۆڵنیالیزم فه‌رزکات به‌سه‌ر که‌س، بۆیه‌ هه‌موو ئه‌و پڕوپاگه‌ندانه‌ی ئه‌و گرووپه‌ به‌ناو ئه‌سلام و ناسیونالیستی توندره‌وه‌ی جیهانی عه‌ره‌بی له‌ راستێکانه‌وه‌ دوورن. ئه‌م جۆره‌ لایه‌ن و گرووپانه‌ به‌هۆی نزمی ئاستی رۆشنبیریان، یان به‌هۆی هه‌ڵوێسته‌ ره‌شه‌کانیان ده‌یانه‌وێت هه‌موو کێشه‌کانی ناوه‌وی خۆیان گرێدراوی سیاسه‌ته‌کانی وڵاتانی ده‌ره‌وه‌ بکه‌ن.

 

کێشه‌ی فه‌له‌ستین که‌ ساڵه‌های ساڵه‌ رژێمه‌ ناسیونالیسته‌کانی یه‌ک له‌دوا یه‌که‌کانی عه‌ره‌ب بازرگانیان پێوه کردوه‌ وه‌ک خۆی ماوه‌و له‌وه‌ش ناچێت به‌م زوانه‌ چاره‌سه‌ربکرێت. هه‌ر له‌ ساڵی چل و هه‌شته‌وه‌ تاکو ئێستا هیچ کام له‌ رێکخراوه‌ سیاسێکانی فه‌له‌ستین یان رژێمه‌ ناسیونالیسته‌کانی عه‌ره‌ب هه‌نگاوێک کێشه‌ی فه‌له‌سه‌تینیان به‌ره‌و‌ پێشه‌وه‌ نه‌بردووه‌. ده‌سه‌ڵاتداران و لایه‌نه‌ ناسیونالیسته‌کانی جیهانی عه‌ره‌ب هه‌میشه‌ هۆی چاره‌سه‌رنه‌کردنی کیشه‌ی فه‌له‌ستین ده‌خه‌نه‌‌ ئه‌ستۆی ئه‌موو ئه‌و وه‌ هیچ کاتێک ئاماده‌ نین هه‌ندێک له‌و پاره‌وپووله‌ی گیرفانیان ره‌وانه‌ی ره‌شوو رووته‌کانی منداڵانی فه‌له‌ستینی بکه‌ن. سه‌رۆکی پێشووی رێکخراوی رزگاریخوازی فه‌له‌ستین (یاسر عرفات)، که‌ خۆی به‌ رزگارکه‌رو خه‌مخۆری میله‌ته‌کی ناوده‌برد، پێش مردنی به‌ ماوه‌ێکی کورت هه‌شت سه‌د ملێۆن دۆلاری منداڵانی ره‌شوورووتی میله‌ته‌که‌ی خستبوه‌ کۆنتۆی(حیساب) )ژنه‌ سی ساڵێکه‌ی.

 

رێکخراوی ئیسلامی (حماس) که‌ به‌ پاره‌وپوولی سه‌رانی له‌ناوچووی به‌عس و به‌رنامه‌ی هه‌ندێ رژێمی ناوچه‌که‌ درووست بوو خۆی به‌ تاکه‌ هێزی رزگارکه‌ری سیاسی فه‌له‌ستین ده‌ازنێت. ئه‌م رێکخراوه‌ هه‌ر له‌ سه‌ره‌تای کاری سیاسیه‌وه‌، وه‌ک رێکخراوی (القاعدة) و هه‌موو ئه‌و رێکخراوه‌ تیروریستیانه‌ی به‌ناو ئیسلام دژایه‌تێکی زۆری ئه‌مریکاو هاوپه‌یمانانی ده‌کات .  هه‌ر لایه‌نێک که‌ بیروبۆچوونی له‌گه‌ڵ ئه‌م رێکخراوه‌ نه‌گونجێت، یان دژ به‌ هه‌ڵوێسته‌کانی بێت ئه‌وا ده‌خریته‌ خانه‌ی دۆژمنانه‌وه‌و به‌ هه‌موو جۆرێک دژایه‌تی ده‌کرێت. حه‌ماس هه‌موو ئه‌و تاوانانه‌ی گرووپه‌ به‌ناو ئیسلام ئه‌نجامی ده‌ده‌ن به‌ کارێکی ره‌واو جیهاد ده‌زانیت و پشتگیرێکی ته‌واوی ده‌کات.

 

هه‌ر له‌ سه‌ره‌تای سه‌رهه‌ڵدانی ئه‌م ریکخراوه‌ ده‌ستی کرد به‌ ته‌قانه‌وه‌ی بۆمبی مینرێژکراو له‌ناو خه‌ڵکی سیڤیل و بێگوناه.  سه‌ده‌ها خه‌ڵکی بێگوناهی ئیسرائیلی بوونه‌ته‌ قوربانی کاره‌ تیروریستێکانی ئه‌م ریکخراوه‌و گیانیان له‌ده‌ست داوه‌. پاش ئه‌و سه‌رکه‌وتنانه‌ی ئه‌م رێکخراوه‌ به‌ده‌ستی هێنا له‌ هه‌ڵبژاردنه‌کان، کێشه‌ی فه‌له‌ستین رۆژ به‌رۆژ روو له‌ ئاڵۆزی ده‌کات، ئه‌م ئاڵۆزیانه‌ش ده‌گه‌رێته‌وه‌ بۆ هه‌ڵوێسته‌ ترسناک و ره‌شه‌کانی ئه‌م رێکخراوه‌ سه‌باره‌ت به‌ کێشه‌کانی ناوه‌وه‌ ناوجه‌که‌. حه‌ماس پاش هه‌موو ئه‌و کێشانه‌ی بۆ میله‌ته‌که‌ی هێناوێته‌ پێشه‌وه‌، ئه‌مرۆ شیوه‌ن بۆ تاوانبارێکی وه‌ک زه‌رقاوی ده‌کات که‌ له‌ لایه‌ن هێزه‌کانی ئه‌مریکاو عیراقیه‌وه‌ کوژراوه‌. حه‌ماس هه‌موو ئه‌و تاوانانه‌ی زه‌رقاوی دژ به‌ خه‌ڵکی سیڤیل و بێگوناهی عیراقی به‌ جیهاد ناوده‌برد و پشتگیرێکی زۆری ده‌کرد.

 

سه‌رانی حه‌ماس باس شیوه‌ن بۆ توانبارێکی وه‌ک زه‌رقاوی ده‌که‌ن و باس له‌وه‌ ناکه‌ن که‌ ئه‌گه‌ر هاوکاری ئابوری وڵاتانی ئه‌وروپا و ئه‌مریکا نه‌بێت بۆ میله‌تی فه‌له‌ستین که‌ (حماس) به‌ دوژمنی ئیسلام و عه‌ره‌بیان ناو ده‌بات، هه‌رچی منداڵی ره‌شورووتی فه‌له‌ستینی هه‌یه‌ له‌ برسا ده‌مرن. هه‌وڵۆێست و گریانی (حماس) بۆ تاوانبارێکی وه‌ک زه‌رقاوی جێ سه‌رسورمان نیه‌، چونکه‌ مێژووی ئه‌م رێکخراوه‌ به‌ناو ئیسلامیه‌ پره‌ له‌ کاری تیروریستی له‌و جۆره‌ی زه‌رقاوی. هه‌ر حه‌ماس نه‌بوو به‌ پاره‌وپوولی له‌ به‌عس وه‌رده‌گرت و به‌کاری ده‌هێنا بۆ تیرورکردنی خه‌ڵکی سیڤیل له‌ شاره‌کانی ئیسرائیل . ئه‌وه‌ی خاوه‌ن ئه‌و کارانه‌ بێت و هه‌ڵوێستێکی تیرورستانه‌ی له‌و جۆره‌ی هه‌بێت چۆن شیوه‌ن بۆ تاوانبارێکی وه‌ک زه‌رقاوی ناکات که‌ منداڵانی بێگوناهی شاره‌کانی عیراقی قه‌تڵوعام ده‌کرد.

 

سه‌رانی حه‌ماس ناتوانن شیوه‌ن بۆ که‌سێک بکه‌ن که‌ خاوه‌ن ویژدان و هه‌ڵوێست مرۆڤانه‌ بێت، چونکه‌ بۆچوون و سیاسه‌ته‌کانیان زۆر دووره‌ له‌ ره‌وشت و  هه‌ڵوێستی مرۆڤ دۆستانه‌ . ده‌بوایه‌ حماس پیش ئاشکراکردنی هه‌ر هه‌ڵوێستێک سه‌باره‌ت به‌ رووداوه‌کانی ناوچه‌که‌ ئاوریکی له‌ کێشه‌ی میله‌ته‌که‌ی بدایه‌ته‌وه‌و بیرێکی له‌وه‌ بکردایه‌ که‌ ته‌نها خه‌مخۆر و هاوپه‌یمانی میله‌تێکی ماف زه‌وتکراوی وه‌ک فه‌له‌ستینی خه‌ڵکانی خاوه‌ن ویژدان و مرۆڤ دۆستن، نه‌ک که‌سایه‌تێکی خه‌ڵک کوژی وه‌ک زه‌رقاوی. که‌سێک که‌ خاوه‌ن هه‌موو ئه‌و کاره‌ تیروریستیانه‌ بێت و ژن و منداڵی بیگوناهی ئه‌م وڵات و ئه‌و وڵات بکوژێت، چۆن ده‌توانێت خه‌م خۆرو رزگارکه‌ری خه‌ڵکی فه‌له‌ستین بێت. شیوه‌نی حه‌ماس بۆ زه‌رقاوی نه‌ک ته‌نها له‌ رووی ره‌وشتیه‌وه‌ ناشرینه‌، به‌ڵکو دژ به‌ فه‌لسه‌فه‌ی ئاینی ئیسلامه‌و هه‌موو ئاینه‌کانی جیهان ئه‌و جۆره‌ هه‌ڵوێستانه‌ ریسوا ده‌که‌ن. ده‌بوایه‌ رێکخراوی (حماس) هیچ نه‌بوایه‌ رێزیکی بۆ ئاینی ئیسلام دانایه‌و شیوه‌نی بۆ تاوانبارێکی وه‌ک زه‌رقاوی نه‌کردایه‌.

 

ده‌بوایه‌ سه‌رانی حه‌ماس پیش شیوه‌نیان بۆ تاوانبارێکی وه‌ک زه‌رقاوی بیرێکیان له‌ دوارۆژی خۆیان و میله‌ته‌که‌یان بکردایه‌ته‌وه‌ که‌ له‌ دوارۆژ پێویستێکی زۆریان به‌ خه‌ڵکی عیراق ده‌بێت. ئه‌م هه‌ڵوێسته‌ی رێکخراوی حماس سه‌باره‌ت به‌ کوشتنی زه‌رقاوی باجه‌که‌ی له‌ ئاینده‌  زۆر گران ده‌که‌وێت له‌سه‌ریان و ئه‌م کێشه‌ ئه‌منیانه‌ی ناو عیراق کاتیه‌و ماوه‌ێکی تر نامێنێت. وڵاتێکی ده‌وڵه‌مه‌ندی وه‌ک عیراق که‌ پێکهاته‌ جیاوازه‌کانی هه‌میشه خه‌مخۆری میله‌تی فه‌له‌ستین بوونه‌ ناتوانێت ئه‌م شیوه‌نه‌ی (حماس) وا به‌ئاسانی له‌ بیربچێته‌وه‌. ناوچه‌ێکی هه‌ژاری وه‌ک فه‌له‌ستین که‌ نه‌ حماس و نه‌ لایه‌نه‌ ئیسلامێکانی تر توانای رزگارکردن و هاوکاریان هه‌یه‌ ناچاره‌ له‌ پاشه‌رۆژ ده‌ست له‌ عیراق پان بکاته‌وه‌، بۆیه‌ ده‌بێت هه‌رچی زووتر لایه‌نه‌کانی تری فه‌له‌ستینی ئه‌م هه‌ڵوێسته‌ی حه‌ماس ریسوابکه‌ن و رێگاش نه‌ده‌ن جارێکی تر ئه‌م رێکخراوه‌ به‌ناو ئیسلامیه‌ هه‌ستی میله‌تانی تر به‌و جۆره‌ بریندار بکات .

 

مێژووی میله‌تان پره‌ له‌ کاره‌ساتی دڵته‌زێن، ئه‌و کێشانه‌ی ئه‌مرۆی خه‌ڵکی عیراق هه‌یه‌تی کاتیه‌و به‌سه‌ر ده‌چێت، بۆیه‌ ده‌بێت سه‌رانی حماس ئه‌وه‌ بزانن که‌ شیوه‌نیان بۆ زه‌رقاوی باجی گه‌وره‌ی به‌دواوه‌ ده‌بێت و پاڵیش به‌ زۆر لایه‌نی سیاسی عیراقی ده‌نێت که‌ روو له‌ ئیسرائیل بکه‌ن.

 

وهاب شاه محمد/سوید

Shah.wahab@gmail.com

ئاماده‌ کردنى : حه‌مرین سه‌عات 01:06 ق.ظ بابه‌ت :‌ نووسه‌ران ,

پێداچوونه‌وه‌ی بابه‌ت - سه‌عات -

لینكى بابه‌ت | بۆچوون ()


This Template Designed By Theme.MihanBlog.Com And Davood Jafari